A HORA DA COLADA !!

A HORA DA COLADA!!

Hoxe propóñovos unha actividade que lles gusta moito facer no cole e que estou segurísima que tamén lles vai gustar moito facer na casa e é ” A Hora da Colada”. É unha actividade que se pode facer en familia onde nos familiarizamos co traballo en grupo, co compañeirismo axudándonos uns os outros e o mesmo tempo practicamos un pouquiño a psicomotricidade fina.

A actividade como o seu nome indica é de facer a colada. Podemos coller roupa de bonecas ou senón a súa propia, como calcetíns, roupa interior ou algunha camiseta. Collemos un recipiente algo grande e votámoslle unha pouca auga (si lla botamos templadiña mellor que mellor) e alí poden lavar a roupa (podemos botarlle unas gotiñas de xel de ducha para que faga un pouquiño de espuma que tanto lles gusta). Cando xa leven un ratiño lavando ou cando eles xa empecen a estar cansos apertámola roupiña e a estendemos. Si tedes un alambre interior moi ben e si non atamos unha corda polos dous extremos e eles que collan a roupa e a estendan poñéndolle as pinzas.

Xa me contaredes.